Flautið

2004-04-26T15:49:00.000Z

Já, eitthvað varð ég var við það að menn náðu ekki nýja blogginu, en það er blog.central.is/snilli, og breyttist reyndar frá síðasta pósti...
svona er þetta :)

2004-02-13T11:29:00.000Z

var aðeins að bæta við bloggið, ég er kominn með annað sem er kannski pííínulítið þægilegra (þegar það er virkt) enda á íslensku... á www.folk.is.
jæja, læt þetta nægja frá mér í bili samt sem áður...

2004-01-23T11:52:00.000Z

Línurnar eru að skýrast, núna veit maður hversu mikið maður þarf að leggja á sig þessa önnina!
Ekki hjálpar svo að vera að fara á vikulangt námskeið og missa úr 5 daga í skólanum... reyndar eru þeir einungis 2 og hálfur þar sem ég kem til með að missa af Kátu dögunum og Flóafárinu... en ég leiði það hjá mér, tek Fyrstu hjálp í óbyggðum framyfir, hún kemur sér betur seinna meir (þó svo að ég sé að sleppa heljarinnar skemmtun...)!
En hvað um það, það kemur dagur eftir þennan dag og svo framvegis... maður á ekki að láta undan...

2004-01-13T15:38:00.000Z

Jæja, nú árið er liðið í aldanna skaut og aldrei það kemur til baka og þó... nú er komið það herrans ár 2004 og vonandi bætist maður á þessu ári. Maður ætlar að minnsta kosti að taka sig á og vera duglegri, eins og maður segir alltaf, en í þetta skiptið þarf maður þess enda byrjar maður í nýjum skóla í haust, Háskóla Íslands (ef allt gengur eftir...).
Næstu dagar fara í skipulagningu og í að telja það eftir sér að læra heima, setjast niður við skrifborðið í herberginu mínu og hefjast handa, auk þess að maður hefur margt annað í pokahorninu sem einnig þarf að huga að.
Svo er F.Su. hafinn að nýju og kennslan komin á fullt aftur... með tilheyrandi streði og heimalærdómi...!
En ég læt þetta nægja í bili, þarf að klára þýskutímann hjá Hannesi :p

2003-12-15T09:42:00.000Z

Nú er liðinn svolítill tími frá því ég reit hér síðast, og þykir því tími til kominn!
Reyndar verður ekki margt ritað núna, enda stoppa ég stutt, bara að minna á að ég er enn á lífi og nenni að bulla eitthvað hérna þegar ég er á netinu.
Annars eru prófin núna búin, meira að segja sjúkraprófin (þó ég hafi ekki verið í neinu sjúkraprófi) og lauk ég mínum prófum á miðvikudaginn síðasta, held að allt hafi gengið ágætlega upp...
Svo er prófsýningardagurinn mikli á miðvikudaginn næsta, þá fær maður að vita hvort maður hafi náð eða fallið og hægt er að skoða prófin og setja út á yfirferð prófsins ef því er að skipta!
Svo komu gleðifréttir utan úr heimi í gær, Ameríkönunum tókst loksins að handsama Saddam fyrrum Írakseinvald. Hann lá í leyni, í nokkurskonar gröf held ég, þeir kölluðu þetta reyndar klefa, svona feluklefa.
En jæja, ekki meira um það núna, ég ætla að drífa mig heim!

2003-12-08T11:23:00.000Z

What Famous Leader Are You?

Ekki veit ég hvers vegna þessi útkoma kom út? Hver veit...

2003-12-08T11:13:00.000Z

Jæja, þá eru prófin byrjuð og fyrri prófavikan liðin. Svo þar að auki 3 af 4 þeim prófa sem ég þarf að taka.
Nú liggur maður svona sæmilega léttur yfir bókunum samt án þess að stressa sig of mikið á heimalærdómnum, það er alls ekki gott að vera svakalega stressaður fyrir prófin.
Svo eru aðventutónleikar um næstu helgi í Selfosskirkju, þar mætir maður að sjálfsögðu í kórbúningnum eins og síðastliðin 3 ár, þetta er fínasta skemmtun og ekki skemmir að F.Su. kórinn er síðastur á laugardeginum og skipar þann heiðurs sess að enda tónleikana.
En svo hefur maður gert margt og mikið sem maður gerir kannski ekki venjulega, þar síðustu helgi (fyrstu helgi í aðventu) fór ég á Sólheima og tók þar þátt í aðventugarði, skemmtileg athöfn sem kemur manni í jólaskap. Svo fór ég um kvöldið sama dag á aðventusamkomu í Hveragerðiskirkju. Við höfum ekki fleiri orð um það nema þægileg sæti, ég í kirkju, maður að halda ræðu = ég dottaði svona ca. 20 sinnum á þessum rétt rúma klukkutíma sem ég var í kirkjunni. Pottþétt uppskrift ef manni gengur illa að sofna.
En þetta læt ég nægja í bili, hver veit hvað kemur upp næst?

2003-11-25T08:42:00.000Z

Þá er viðburðarík síðasta vika liðin. Gettu Betur, vísnakvöld, vinnuhelgi og fleira.
Nú er komin ný vika, SÍÐASTA SKÓLAVIKAN!!! Þannig að nú er að klára allt sem er óklárað í áföngum og skila inn og þetta venjulega þegar ein vika er eftir af kennslu. Svo hefjast prófin á mánudaginn, reyndar fer ég ekki fyrr en á fimmtudaginn í næstu viku og í 3 próf í heildina :)
Svo á maður eftir að hlýða á þrjá fyrirlestra í sögu, fara betur yfir heildarskil í töl113, halda áfram í upprifjun í stæ313, eins í eðl103 (og æfingaprófið í vikunni) og kortaverkefnið í jar203 auk síðasta prófsins á fimmtudaginn næsta.
Svo sleppti ég að vísu að fara á björgunarsveitarfund í gærkvöldi, þó svo að mig hafi langað mikið að fara. Magnús Tumi Guðmundsson, jarðeðlisfræðingur, var með fyrirlestur um það sem er að gerast hér á Suðurlandinu og hvort eða öllu heldur hvenær við eigum von á gosum, t.d. í Kötlu (sem verður fyrr en síðar).
En þetta er nóg í bili, það er ótrúlegt hvað maður getur látið dæluna ganga...

2003-11-20T09:27:00.000Z

Jæja, þá er Gettu Betur kvöldið búið og maður getur ekki verið annað en sáttur! Mætingin á kvöldið var reyndar ekkert frábær... en samt alveg nógu góð til að það tók því að halda þetta.
Liðin voru þannig skipuð:
Nemendalið 1: Andri Vigfússon, Páll Sigurðsson, Þórhildur Daðadóttir.
Nemendalið 2: Hildur Sigurgrímsdóttir, Sindri Þór Hilmarsson, Tryggvi Örn Úlfsson.
Kennaralið 1: Sverrir G. Ingibjartsson, Þórunn Jóna Hauksdóttir, Ægir Pétur Ellertsson.
Kennaralið 2: Árni Blandon, Hannes Stefánsson, Skúli Halldórsson.

Fyrsta viðureignin var á milli nemendaliðs 1 og kennaraliðs 1. Skemmst er frá því að segja að nemendur unnu 26-18.
Eftir þessa viðureign steig Anna Hansen á svið og söng nokkur lög.
Önnur viðureignin var á milli nemandaliðs 2 og kennaraliðs 2. Þetta var æsispennandi viðureign en á endanum vann lið kennara 25-22 eftir síðustu spurninguna, sem var vísbendingaspurning, en staðan fyrir síðustu spurninguna var 22-22.
Þá var gert örstutt hlé fyrir áhorfendur og keppendur til að skreppa á klóið og fleira í þeim dúr.
Úrslitaviðureignin var því á milli nemendaliðs 1 og kennaraliðs 2. Þetta var spennuþrungin keppni, staðan eftir hraðaspurninginar var jöfn 15-15, svo tóku við bjölluspurningar og að fyrri hluta þeirra loknum voru nemendur komnir yfir. Spennan hélst í keppninni allt fram á síðustu stundu, þó svo að nemendaliðið hafi tryggt sér sigurinn þegar 2 liðir voru eftir, ein vísbendingaspurning og þríþrautin, samanlagt 6 stig í pottinum, en nemendaliðið leiddi þá keppnina 24-17. Lokatölur í úrslitaviðureigninni urðu 24-23 og nemendalið 1 stóð uppi sem sigurvegari kvöldsins.

Ég get ekki verið annað en sáttur, eins og komið hefur fram áður, enda var þetta annað árið í röð þar sem ég kem heim af Gettu Betur kvöldið í skólanum með vinninga í hönd.
Nú tekur við langur og strangur dagur, skóli til 3, kór kl. 4 auk undirbúnings fyrir vísnakvöldið sem er kl. 8!
Ég á örugglega eftir að sofa mikið og vel um helgina...

2003-11-18T16:13:00.000Z

Vá var gaman að fara í skólann í morgun maður. Allt var þakið ís, sléttum ís meira að segja. Maður þurfti að skauta á leiðinni í skólann :) En hvað um það, svo kom smá haglél og eyðilagði alla skemmtunina.
En þetta er nú bara skemmtilegt, maður hefur gaman af þessu.
Svo er alltaf nóg að gera í skólanum, núna er Gettu Betur keppni við kennarana í skólanum annað kvöld, ég er í öðru nemendaliðinu. Þetta á eftir að verða skemmtilegt kvöld, sama hver úrslitin verða.
Svo verður vísnakvöld hjá F.Su. kórnum á fimmtudagskvöldið, þar verður mikið húllumhæ og frábær skemmtun. Auðvitað kemur kórinn fram sem og fleiri listamenn og upplesarar og aðrir sem hafa skráð sig með skemmtiatriði.
En meira kemur seinna...

2003-11-17T21:52:00.000Z

OK, OK, OK, OK, OK... nú þarf maður að taka sig á, no promises though, þetta er orðið fulllélegt hjá mér!
Annars hefur maður skemmt sér vel yfir umræðum á hinum og þessum bloggsvæðum og spjallsvæðum, og er flóran margvísleg.
Sérstaklega skemmtileg er umræðan um Feminist free, hvort það merki eigi að vera á síðum eða ekki, og helst þá til á korknum á nfsu.is. Þetta er orðið stórheitt mál, alveg heilir 5 búnir að tjá sig!!! Stórkostlegt í 800 manna skóla.
En anyway, þetta er nóg í bili, ég þarf ekki að tjá mig meira í þetta skiptið...
see'ya!

2003-10-23T09:16:00.000Z

Vaaaááááá!!!!!! Maður er einhvern veginn ekki að nenna þessu. Þetta var svona líka svakalega spennandi fyrst til að byrja með en í seinni tíma hefur áhuginn dvínað all svakalega.
Maður er farinn að hljóma eins og alþingismaður fyrir kosningar, lofar öllu fögru, segist ætla að standa við allt heila klabbið og svo þegar kemur til að gera eitthvað, þá nennir maður því ekki, segir tímann vera nógan og að hægt sé að gera þetta seinna.
Hvað gerist svo?
Ekkert! Nema það koma aðrar kosningar sem fylgja sömu loforðin og alltaf.
HJÁLP!!! Mig langar ekki að enda inni á Alþingi...

2003-10-09T08:36:00.000Z

Æi, eitthvað er maður nú latur við þetta. Maður á að geta gert svo miklu miklu betur!
En hvað um það, nú reynir maður aftur, ég reyni að rita hér eins oft og ég kemst yfir...

2003-09-23T15:00:00.000Z

Jæja bloggheimur, nú er hægt að hefja starfið að nýju. Skólinn er kominn í fastar skorður og allt gengur vel og þá er hægt að gefa sér meiri og betri tíma til þess að blogga.
Þó ætla ég ekki að hafa þetta langt að sinni, hef meiri og betri tíma seinna...

2003-08-27T08:51:00.000Z

Skólinn hafinn að nýju... með tilheyrandi umstangi! Vakna kl. 7, tannbursta sig og pissa og borða og taka til í skólatöskuna og fara í föt og koma sér í skóna og labba af stað í skólann og fara í tíma og muna eftir að fara úr skónum og fara í inniskóna og... þetta er nú meira bullið, ekki einu sinni í réttri röð!!!
en hvað um það, allt er komið af stað, og nú situr maður bara á sama stað og venjulega og leikur sér í tölvunni...

2003-07-06T12:24:00.000Z

Jæja, ár og öld síðan ég ritaði einhvað niður hérna, það er meira að segja búið að breyta umhverfinu á blogger.com..... því átti ég ekki von á (kannski ef ég hefði fylgst betur með og verið virkari síðan skólinn kláraðist).
Annars er maður að vinna þá finnu sem fékkst og dæma svona inn á milli. Svo er maður búinn að ferðast meira, mun meira en maður átti von á í sumar. Búinn að fara tvisvar við Vestmannaeyja og einu sinni inn í Veiðivötn og held ég 3 eða 4 sinnum til Reykjavíkur, en það telst víst vera meiri háttar ferðalag upp á heila dagleið!
Jæja, best að koma sér að einhverju nytsamlegu (þó að sitja fyrir framan tölvuna sé ágætis skemmtun...).

2003-05-26T15:33:00.000Z

Prófin komu ágætlega út, meðaleinkunn upp á 7,8 sem er ekki slæmt! Eyjaferðin var skemmtileg, gaman að skoða eyjarnar úr lofti á leiðinni til eyja og frá eyjum. Svo fengum við þetta líka góða veður, skýjað og hlýtt. A.m.k. var mér nógu heitt í upphituninni fyrir leikinn (ég ákvað að fara úr peysunni sem ég var í innanundir treyjunni, gerist sjaldan hér á Selfossi en gerist þó!).
Svo styttist í það að dagarnir verði fullskipaðir vinnu, þá fær maður pening (meiri en núna...)

2003-05-16T19:27:00.000Z

Núna eru öll prófin búin og bara prófsýning og brautskráning eftir. Svo tekur við vinnusumar og knattspyrnusumar (hjá mér er það dómarasumar!!!).
Sem minnir mig á það að ég kemst til Eyja (í fyrsta sinn) á leik (A2 =aðstoðardómari 2). Svona er ég spenntur fyrir því...

2003-05-08T10:00:00.000Z

Prófin nánast búin, ég á allaveganna tvö eftir í skólanum og svo stigsprófið í tónlistarskólanum. Svo verður þetta ágætissumar, vinna og dómgæsla. Ja, svo er prófsýningardagur 21. maí og brautskráning 23. maí.

2003-04-29T10:37:00.000Z

Skólinn hefur gengið sinn vanagang frá páskum, áfangar í óða önn að klárast og verkefnaskil blasa við auk lokaprófa sem byrja strax á föstudaginn! Meira að segja í tónlistarskólanum, nóg að gera...

2003-04-18T21:38:00.000Z

Jæja, þá er maður kominn aftur á frónið!!! Ítalíuferðin var vægast sagt FRÁBÆR!!!
Sól og sumar (alla veganna nógu heitt og sólríkt veður, fyrir utan rigninguna í Verona á laugardaginn [fyrripart laugardagsins]) og frábær skemmtun! Svo var líka ágætt að komast aðeins aftur til Austurríkis og Þýskalands, var þar í gær og í morgun!
En vááá hvað maður hálfpartinn saknar þess að vera ekki lengur úti en samt er maður feginn því að vera kominn aftur heim... blendnar tilfinningar -- ómissandi í hverri ferð!
Svo er bara að spila framhaldið eftir eyranu :-)
Æll ræt mor sún!

2003-04-09T12:26:00.000Z

Jiiiiibbbbííííííííí!!!!!!!!!! 1 dagur í viðbót og svo, BLESS BLESS ÍSLAND!!! Já það styttist og styttist í Ítalíuför kórsins og þetta verður geðveikt stuð!!!
Ég hlakka svo til að ég held ég skrifi ekki meira í bili...

2003-04-07T14:48:00.000Z

Hei, tónleikarnir tókust vel og afmælishátíðin var fín, fínasta tískusýning var haldin á kórbúningum kórsins fyrr og síðar.
Og formúlan maður, vááá!!!! Það var svakalegt!!! Hellirigning og svo sýning á því hvernig formúlubílar skauta skemmtilega þegar vatnið er of mikið á brautinni. En leiðinlegt fyrir Fisicella að síðasti hringurinn hafi verið tekinn af honum, það kostaði hann sigurinn! Og þó ég sé Schumacher-maður þá var ég sáttur við úrslitin, leiðinlegast var þó þegar Barrichello varð frá að hverfa vegna vélarbilunar.
Svo eru bara 3 dagar, ÞRÍR DAGAR þar til ég fer til ÍTALÍU!!! Vá, verður fjör!!!
Segjum þetta gott í bili, kannski meira á eftir, þegar ég er í stuði...

2003-04-01T14:30:00.000Z

Eitthvað er tæknin að stríða okkur, ég vona að útlitið detti ekki út...

2003-04-01T11:46:00.000Z

Ég hef tekið eftir því að það eru nokkrir sem skoða síðuna (fyrir utan sjálfan mig...) og þætti mér mjög gaman ef viðkomandi aðilar myndu vera svo góðir að skrifa eitthvað um þessi skrif mín, nú eða annarra. Þá gengur þetta miklu betur fyrir sig. Svo á ég nú eftir að reyna að bæta við tenglum á fleiri blogg-síður, þ.e. þegar ég kemst í kynni við fleiri bloggara.

2003-03-31T12:36:00.000Z

Jæja, helgin búin og tveir jaxlar til viðbótar farnir! Verst hvað manni líður illa í þessum leiðinda fyllingum eftir viðgerðirnar...
annars var stórskemmtilegt að horfa á söngkeppni framhaldsskólanna þar sem hann Sigþór stóð sig frábærlega, fékk verðlaun fyrir bestu sviðsframkomuna (sem hann átti skilið) auk þess sem hann lenti í öðru sæti í heildina. Glæsilegur árangur það!
Annars er snjórinn horfinn og það rignir og rignir, en ljós punktur er þó að það eru bara 10 dagar þar til ég fer til Ítalíu með kórnum!!! Jíbbííí!!!!! Það verður rosalega skemmtilegt!
Svo er alltaf nóg að gera, mikilvæg kóræfing á morgun og general-prufa fyrir kórtónleikana á laugardaginn á fimmtudagsæfingunni. Fyrir utan svo öll þau próf sem eru í vikunni (þó þau séu ekki það mörg...).
Nó í bili, skrif'meir seinna.

2003-03-26T16:38:00.000Z

Jörðin er orðin hvít! Það snjóaði í nótt og það hefur verið snjókoma á tíðum í dag svo allt er orðið hvítt!
Annars hef ég ekki verið með hugan mikið við bloggið undanfarið, ég hef haft svo mikið að gera. Ég hef verið mikið að pæla í þessu html-dóti, er að reyna að koma upp leyniorði á síðu sem ég er með. Fór á bókasafnið í skólanum og fékk lánaða ca. 900-1000 bls. bók um html, ég les hana reyndar ekki alla heldur einungis það sem ég þarf að vita, þ.e. hvernig ég á að geta komið upp læsingu í gegnum html.
Annars er þessi Íraksdeila að verða einum of... Írakar kveikja í olíuleiðslum í Bagdad til að hylja borgina og svo bætist við í ofanálag sandstormur sem blæs sandi og ryki yfir borgina svo að engin sér handa sinna skil. Nú væri sko aldeilis tími fyrir Bandamenn að ráðast að Bagdad, Írakarnir geta með engu móti séð þá fyrir sandstorminum!!! Svo eru Bandaríkjamenn farnir að styðja meira við bakið á hernaðarlegum aðgerðum í Írak, stuðningurinn fóru úr ca. 66% í um 72% og munar nokkru... en Frakkarnir eru alltaf jafn andsnúnir öllu, 95-98% eða eitthvað þannig á móti hernaðarlegum aðgerðum á móti Saddam Hussein...
Svo sá ég góða mynd á netinu í dag, teiknuð mynd sem sýndi Saddam og einn herforingja hans horfandi á sjónvarpið. Saddam segir: "Ég hélt að Frakkarnir tækju ekki þátt í þessu stríði?!?" Herforinginn svarar: "Hr. Saddam. Þetta eru okkar menn sem eru að gefast upp!!!"
Svona er hægt að finna spaugilegar hliðar á öllu saman. En ég held ég láti þetta gott heita í bili, ég þarf að fylgjast aðeins betur með Bridge-æfingunni sem er núna.

2003-03-24T09:12:00.000Z

Jæja, nú er kominn almennilegur teljari á síðuna. Tók smá tíma að átta mig á því. Svo gæti verið smá vesen með backblogið (möguleikan á því að skrifa svör við skilaboðum á blogginu) þar sem íslensku stafirnir eru ekki að hlýða öllum. Gætu menn gætu þurft að skrifa sér íslensku stafina á html-formi, málið er að þá þyrfti ég að setja html-kóðana fyrir stafina upp. En ég geri það seinna.

2003-03-21T09:37:00.000Z

Jæja, landhernaður hafinn í Írak! Þetta ætlar engan endi að taka, svona nú strax í byrjun! Annars voru tónleikar í skólanum í gær undir heitinu Fíkn er fjötur. Þar var kór F.Su. meðal flytjenda. Svo var ég í tæknimannshlutverkinu og sá um að allt gengi eins og smurt, fór og gerði sviðið klárt á milli atriða og sá um að kveikt væri á hljóðnemum þegar þess þurfti og slökkti á þeim á milli.
Núna er ég bara drullu þreyttur og mig langar helst heim að sofa, s.s. sleppa þýsku hjá Hannesi og fara heim að sofa!!!
Þannig að best held ég sé að slökkva á tölvunni og reyna að hvíla mig eitthvað...

2003-03-20T16:02:00.000Z

Jæja, ætli það sé ekki best að upplýsa utanaðkomandi fólk um það hverjir eru skráðir á þetta blogg. Hér er listinn:
Andri
Birgir
Ólöf
Sigga Rósa
Steinar

Og þar hafiði það!

2003-03-20T11:47:00.000Z

Vá er maður í djúpum eða hvað??? Var veikur í gær og tókst þarafleiðandi að skrópa mig úr þýsku og íþróttum! Ég held ég þurfi að fara að sleikja skóna hjá einhverjum kennaranum í dag. Wish me luck!!! Já og síðan á ég eftir að koma með framhald af tölvunördasögunni þar sem ég komst ekki með tölvuna í viðgerð í gær!

2003-03-20T11:15:00.000Z

Jæja, Bandaríkjamenn eru byrjaðir að skjóta niður Írakana! Þó svo að Írakarnir hafi skotið fimm SCUD-flaugum á Bandaríkjamenn (eða kannski frekar skilað þeim aftur) þá fullyrða Írakar að einn óbreyttur borgari hafi látist í skotárásunum í nótt...
hver veit, það vill enginn fara inn í Baghdad til að staðfesta það! Hann gæti orðið fyrir skoti!
En að öðru, nú fara fleiri að blogga hérna, Sigga Rósa er að byrja. Hún þarf að vísu að læra örlítið á þetta en það kemur allt, fínasta viðbót! Svo er bara að vonast til að Ólöf og Birgir og Steinar fari að skrifa meira.
Segi meir seinna...

2003-03-19T10:14:00.000Z

Svo er Sigga Rósa komin í okkar lið!!! Jibbí!

2003-03-19T09:55:00.000Z

Heimur versnandi fer! A.m.k. samkvæmt fréttunum núna síðustu daga. Bush gefur Saddam og hans sonum 48 klst. frest til að yfirgefa Írak, elsti sonurinn segir strax NEI og skömmu síðar hafnar Íraksstjórn frestinum, s.s. BNA er að fara í stríð við Írak í dag eða á morgun. The second Gulf War! Svo sitjum við í miðju átakanna (Ísland gæti orðið skotmark vegna varnarliðsins... hver veit???) og fylgjumst með. Fjölskylduferðirnar í ár verða niður á strönd á milli Stokkseyrar og Eyrarbakka og Eyrarbakka og Þorlákshafnar. Þar situr fjölskyldan á sólbekkjunum sínum og fylgist með sprengjuflugvélunum fljúga á milli Íraks og Bandaríkjanna. Samtölin verða einhvern veginn svona: "Nei, sjáið Írakana fljúga yfir til Bandaríkjanna með sprengjurnar sínar!" Og svo skömmu seinna: "Sko til, Bandaríkjamenn bara strax farnir að svara!"
Þó svo að þetta sé svolítið MIKIÐ súrrealískt þá getur þetta gerst, við vitum aldrei hvað framtíðin ber í skauti sér... við vonum bara að átökin (sem verða ekki umflúin) verði stutt og lítil. En þarna mætast stál í stál. Saddam hefur komist allt of oft upp með að hreinsa ekki vopnin út, yfirgefa ekki landið o.s.frv.o.s.frv. etc. etc.! Sameinuðuþjóðirnar geta ekki lifað í blekkingu lengur! Saddam er að notfæra sér síframlengdan frest til að halda sér við völd. Þó svo að ég sé ekki fylgjandi stríði þá virðist það vera þannig að eina leiðin til þess að gera Saddam Hussein grein fyrir því að SÞ er alvara er að senda svona eins og nokkur hundruð sprengjur á hann...
Get real, með þessu áframhaldi geta SÞ alveg eins hætt að skipta sér að Írökum í stað þess að vera sífellt að pirra sig á því að Saddam virði ekki síframlengdan frest sem SÞ gefur miskunnarlaust og nánast umhugsunarlaust!!! Auðvitað notfærir Saddam sér SÞ, tala nú ekki um þegar SÞ gerast sekir um að veita honum frest VITANDI það að hann hlýðir EKKI, HANN FER EKKI EFTIR FRESTINUM OG MUN EKKI GERA ÞAÐ!!! Svo einfalt er málið!
Við könnum viðhorf Íraksstjórnar aftur þegar búið er að má út svona eins og helminginn af Bagdad... (svona í léttu gríni, en samt...)
Fylgjumst með framhaldinu!

2003-03-18T12:56:00.000Z

Svo er maður að komast upp á lagið með þetta, bloggið!

2003-03-18T12:49:00.000Z

En hafiði pælt í því, hvernig væri það ef allar tölvur í heiminum myndu krassa? Það mundi allt fokkast upp! Vægast sagt! Þá væri ekkert blogg, engir tölvuleikir, ekkert ritvinnsluforrit bara nokkrar eldgamlar ritvélar sem afi og amma geymdu frá fyrra stríði (þó það þriðja sé um það bil að skella á...) Annars skilur engin neitt í Bush BNA-presitent. Hann birtist heiminum í sjónvarpsávarpi í nótt og váááááá!!!!!!!! Leeeiiiiiðiiiinnlleeeeguuurrr kaaaaarl!!! Ég var að hreinsa til í fartölvunni minni og var þess vegna vakandi þegar ræðan hans hófst, ég sofnaði á innan við 10 mín frá því hann byrjaði að tala (ég var EKKI þreyttur áður en hann byrjaði!)!!! Ég náði þó því að hann sagðist vera með skilaboð til írösku þjóðarinnar: "Þó svo við sprengjum húsin ykkar í loft upp þá vitið þið það að við munum koma með mat og lyf til ykkar svo þið getið haldið lífi..." eða eitthvað þannig. Kannski þetta verið eins og í Afganistan? Maturinn verði pakkaður inní gular dósir og þeim kastað út samhliða naglasprengjunum sem þeir notuðu á móti Bin Laden?!? Er Bush kannski bara á eftir olíunni og notar hann þetta sem yfirvarp til þess? Bush (ekki tilvitnun!): "Ég veit! Sprengjum Saddam þar sem hann hefur ekki flutt sprengurnar til Íran þar sem okkur stafar miklu meiri hætta af þeim og hirðum svo alla þá olíu sem var ekki sprengd í loft upp! Hehehehehehehe!" Fyrir Bush er þetta leikur með lego kalla og playmo kalla. Svo blandar hann red alert inn í þetta og sendir kjarnorkuvetur á arabana þarna við Persaflóann...
En nóg af vangaveltum núna, Bush vill klára það sem pabba hans mistókst fyrir 12 árum! Einfalt!
Meira.....

Seinna............

2003-03-18T10:58:00.000Z

Tölvurnar eru fyrirbæri sem fáir skilja og þeir sem skilja það fyrirbæri lifa í eigin hugarheimi... þar sem tölvíska er töluð (alþjóðlegt tungumál þeirra) og meðalsjóntími manna er um tvö ár eftir komu á staðinn, en það er ca. sá tími sem það tekur fyrir augun að stikna vegna of mikils áhorfs á tölvuskjái!
Annars þarf maður að eftirláta þeim tölvuna manns af og til svo að hún virki nú sem skildi. Svo getur maður leitað og leitað og leitað og leitað að forritum á netinu og síðan leitað meira og leita meira og leitað að fleiru en því og þessu líka og... nú er ég kominn út fyrir efnið, framhald næst Birgir???
Auðvitað...

2003-03-18T10:47:00.000Z

Furðulegt hvað maður er eitthvað venjulegur! Var að koma ú TRS. Fór að láta nördana þar uppfæra tölvuna mína og váááá!!! Þeir gerðu ekki annað en að tala um einhver forrit sem ég ætti að fá mér og hvað þessi forrit væru góð og eitthvað blablabla. Ég skildi ekki orð af því sem þeir sögðu. Framhald örugglega þegar ég sæki tölvuna!

2003-03-18T08:46:00.000Z

Nú þarf bara að koma hinum almennilega af stað svo ég sé ekki eina manneskjan sem bullar hérna!!

2003-03-18T08:39:00.000Z

Og Ólöf hefur gengið til liðs við okkur, frábært, það fjölgar stöðugt!

2003-03-17T15:02:00.000Z

Glæsilegt! Birgir kominn af stað!

2003-03-17T14:40:00.000Z

Jæja þá getur maður loksins byrjað að láta af sér kveða!!! Ég var einnig í kórpartýinu og ég verð að segja að það er miklu skemmtilegra í partýum þar sem allir eru að drekka og maður getur farið í drykkjuleik án þess að skilja einhvern útundan!

2003-03-17T12:01:00.000Z

Hei! Steinar er mættur á svæðið!!!
Ég býð hann velkominn...

2003-03-17T10:40:00.000Z

Helgin búin og einnig fyrstu tveir tímarnir í dag... annars var helgin fín. Gekk vel hjá tannsa, bólgnaði sama og ekkert þó jaxlinn væri tekinn. Var að vinna á laugardaginn og fór á kóramótið í gær. Það var ROSALEGA GAMAN!!! Ég hefði ekki viljað sleppa þessu fyrir nokkurt annað, svo verður leikurinn endurtekinn að ári og þá hér á Selfossi!
Partyið var líka fínt, þó ég hafi farið um 1. Það verður líka að viðurkennast að það hefur verið meira fjör í kórteitunum áður... en það verður ekki á allt kosið alltaf.
En ætli ég verði ekki að fara að læra eitthvað, svona þar sem ég hef tíma til þess núna.
Meira seinna...

2003-03-14T10:56:00.000Z

Jæja, tveir tímar + umsjón búið í dag! Tveir eftir og tannsi á eftir skóla :(
Svo er kórteiti (party) í kvöld, get hugsanlega ekki farið en það kemur í ljós.
Annars er framhaldsskólakóramót í MH á sunnudaginn, ég fer þangað hvort sem ég get sungið eður ei.
Jæja þarf að fara í þýsku til Hannesar.

2003-03-14T08:58:00.000Z

Þetta var skammur tími, var kominn út rétt eftir að ég setti fyrri greinina fram...
verð að leika mér í tölvunni út skólann, minna má nú gera...

2003-03-14T08:32:00.000Z

Jæja, kominn í skólann aftur... byrja á sögutíma hjá Erlingi, fyrirlestur um hippa og blómabörn. Fínn tími, maður er ennþá vakandi!
Annars var kóræfingin í gær seinna en venjulega, byrjaði hálf sex... þó FB-kórinn hafi ekki mætt fyrr en tíu eða fimmtán mínútum seinna en þau áttu að gera. Annars strauk ég af æfingunni korter í átta, missti af síðasta klukkutímanum eða svo... fór í Tíbrá (á íþróttavellinum) og hjálpaði við framkvæmd unglingadómarapróf í knattspyrnu. Mjög skemmtilegt, græddi á þessu sjálfur!
Fór svo heim að sofa! Annars er þetta gott í bili... meira seinna!

2003-03-13T16:14:00.000Z

Var að benda Ólöfu á bloggið.
Hún er að komast upp á lagið með þetta. Kannski hún dragi Bigga með sér í þetta...

2003-03-13T15:39:00.000Z

Já, svo ég minnist á þá sem bentu mér á þetta. Það eru þeir sem blogga á Smámunum, þar er hægt að skoða hvað þeir dúddar eru að bardúsa...

2003-03-13T14:56:00.000Z

OK, OK, var í sögu, fínasti fyrirlestur, gat leikið mér í tölvunni á meðan!
Hef ekki komist í samband við þá sem bentu mér á þetta ennþá... en það kemur.
Jæja, bless í bili...

2003-03-13T14:16:00.000Z

Jæja, svona til að byrja þetta. Mér var bent á þetta af vini og á eftir að hafa samband við vini mína sem einnig eru hér að blogga.
Þetta verður þó varla neitt mikið, hef oft ekki mikið að segja nema algjört bull!
Ekki meir í bili...